Fjölskyldu-, frístunda- og menningarráð

Ráðið þakkar Nichole fyrir yfirferðina. Ráðið staðfestir fyrir sitt leyti stefnu vegna grunnmönnunar, samstarfsáætlun leik- og grunnskóla og öryggishandbók starfsfólks. Ráðið þakkar starfsfólki leikskólans fyrir vel unnin störf sem koma skýrt fram í niðurstöðum Skólapúls sem sýnir aukna ánægju foreldra með starfsemi leikskólans. Ráðið heimilar fyrir sitt leyti að ráðið verði inn afleysing vegna veikinda starfsfólks.

Ráðið þakkar tónskólastjóra fyrir skýrsluna.

Ráðinu þykir miður að upplifun viðkomandi sé sú sem líst er í bréfinu en vill undirstrika að ætlun ráðsins og stjórnenda skólans er ekki sú að ásaka einstaka fyrrverandi starfsmenn um vanrækslu í starfi og ráðið telur að orðalag fundargerða og gagna gefi ekki tilefni til þeirrar túlkunar. Ráðið er engu að síður áfram um að stjórnendur skóla komi hreint fram með sína sýn á störf skólanna og að það sé vel upplýst um hver staðan sé á hverjum tíma. Leikskólastjóri hefur frá því að hún tók við starfinu unnið ötullega að því að efla faglegt starf við leikskólann eins og hefur skýrt komið fram í fundargerðum ráðsins og sýnileg ánægja er með af hálfu foreldra samkvæmt Skólapúlsi.

Ráðið leggur til við sveitarstjórn að Erlu Jóhannsdóttur verði boðið starf leikskólastjóra.

Ráðið þakkar æskulýðs- og tómstundafulltrúa fyrir skýrsluna. Ráðið leggur til að opnunartími yfir sumartímann verði frá kl. 09:00 - 20:00 í samræmi við óskir íbúa um rýmri opnunartíma.
Ráðið leggur til við sveitarstjórn að starf æskulýðs- og tómstundafulltrúa verði auglýst aftur eftir að núverandi starfsmaður lætur af störfum, enda sé um mikilvægt starf að ræða fyrir þróun í heilsueflingu og lýðheilsu fyrir samfélagið.