Fjölskyldu-, frístunda- og menningarráð

Ráðið þakkar fyrir erindið og sýnir því fullan skilning að stytting vistunartíma geti komið misjafnlega við foreldra og fjölskyldur.
Markmið breytinganna er að búa nemendum og starfsfólki leikskólans betra náms- og starfsumhverfi og er liður í því að reyna að laða í auknum mæli fagfólk til starfa sem hefur á síðustu árum fært sig yfir í grunnskólana eftir að breytingar voru gerðar á leyfisbréfum kennara.
Ráðið telur rétt að taka fram að skv. samanburði á gjaldskrám sveitarfélaga fyrir leikskólaþjónustu þá eru þau ekki óeðlilega há í Mýrdalshreppi. Samkvæmt fyrirliggjandi tillögu að gjaldskrá fyrir skólaárið 2024-2025 munu þau lækka enn frekar.
Ráðið vonast eftir góðu samstarfi foreldra og leikskóla um þær breytingar sem verða kynntar betur á fundi með foreldrum í júní.

Ráðið þakkar Nichole fyrir yfirferðina.
Ráðið leggur til við sveitarstjórn að staðfest verði innleiðingaráætlun, bráðabirgðaákvæði um reglur um leikskólaþjónustu og reglur um styrki til nema í leikskólakennarafræðum. Til að koma til móts við sjónarmið foreldra í erindi þeirra til ráðsins leggur ráðið til að hámarksvistun á viku verði 36 klst í stað 35. Jafnframt er lagt til að ekki verði innheimt vistunargjöld á lokunardögum leikskóla vegna vinnustyttingar og undirbúningsdaga starfsfólks. Ráðið felur leikskólastjóra að færa inn ákvæði um að breytingar á vistunartíma á vorönn skuli tilkynna fyrir 15. desember.
Ráðið leggur til að auglýst verði eftir starfsmanni til að annars daglega þjálfun og stuðning í samræmi við skýrslu leikskólastjóra.

Ráðið þakkar Nichole fyrir afar gott og farsælt samstarf á starfstíma hennar hjá Mýrdalshreppi og óskar henni velfarnaðar til framtíðar.

Ráðið leggur til við sveitarstjórn að gjaldskrá leikskóla fyrir skólaárið 2024-2025 verði samþykkt.

Ráðið þakkar Alexöndru fyrir skýrsluna. Ráðið óskar eftir frekari greinargerð tónskólastjóra fyrir vali á starfsdögum og hvort að hægt væri að samræma þá betur við starfsdaga leik- og grunnskóla.