Laus störf við Víkurskóla, Vík í Mýrdal skólaárið 2024-2025
Laus störf við Víkurskóla, Vík í Mýrdal skólaárið 2024-2025
Eftirfarandi stöður eru lausar til umsóknar
- Staða þroskaþjálfa 100% starfshlutfall
- Staða grunnskólakennara, starfshlutfall 60-100%. Ýmsar kennslugreinar koma til greina á mið- og unglingastigi
Umsækjendur skulu hafa tilskylda menntun og reynslu til starfsins og góð tök á íslensku í ræðu og riti. Lögð er áhersla á að umsækjandi sé sveigjanlegur og hafi góða samskiptahæfni og vilja til að taka þátt í samstarfi og teymisvinnu.
Í Víkurskóla er leitast við að búa nemendum hvetjandi námsumhverfi. Áhersla er lögð á samstarf kennara og fjölbreytta kennsluhætti. Víkurskóli er heilsueflandi skóli og vinnur í anda Uppbyggingarstefnunnar, Uppeldis til ábyrgðar. Víkurskóli er jafnframt einn af jarðvangsskólum Kötlu Geopark. Lögð er áhersla á samvinnu og sameiginlega ábyrgð starfsmanna á verkefnum skólans. Skólinn hefur um árabil tekið þátt í fjölþjóðlegu samstarfi í gegnum Erasmus+.
Umsóknarfrestur til og með 13. júní n.k. Stöðurnar eru lausar frá 1. ágúst 2024. Öllum umsóknum verður svarað. Umsóknir gilda í 6 mánuði frá því að umsóknarfrestur rennur út.
Laun eru samkvæmt kjarasamningi Sambands íslenskra sveitarfélaga og KÍ og ÞÍ.
Umsóknir auk ferilskrár skulu sendar á netfangið vikurskoli@vikurskoli.is
Nánari upplýsingar veitir Elín Einarsdóttir skólastjóri í síma 4871242 /7761320, jafnframt heimasíða skólans www.vikurskoli.is