Laust starf þroskaþjálfa og/eða félagsráðgjafa í málaflokk fatlaðs fólks
Félagsráðgjafi/Þroskaþjálfi í málaflokk fatlaðs fólks
Félags- og skólaþjónusta Rangárvalla- og Vestur Skaftafellssýslu auglýsir laust til umsóknar starf þroskaþjálfa og/eða félagsráðgjafa í málaflokk fatlaðs fólks. Um er að ræða 100 % starfshlutfall. Næsti yfirmaður er framkvæmdastjóri félags- og skólaþjónustu Rangárvalla- og Vestur- Skaftafellssýslu sem annast félags- og skólaþjónustu sveitarfélaganna í Ásahreppi, Rangárþingi ytra, Rangárþingi eystra, Mýrdalshreppi og Skaftárhreppi. Skrifstofa félagsþjónustunnar er staðsett á Hellu. Í sveitarfélögunum búa u.þ.b. 6000 manns. Laun eru samkvæmt kjarasamningi Sambands íslenskra sveitarfélaga og Þroskaþjálfafélags Íslands, Félagsráðgjafafélags Íslands eða annarra félaga sem við eiga.
Helstu verkefni og ábyrgð:
- Umsjón og eftirlit með þjónustu sveitarfélagana við fatlað fólk
- Sinnir ráðgjöf ásamt fræðslu, leiðsögn og stuðningi við þjónustunotendur og starfsmenn
- Hefur yfirlit yfir þjónustuþega og þá þjónustu sem veitt er og vinnur þjónustumat í samstarfi við aðra sérfræðinga
- Umsjón með SIS mati, samþættingu þjónustu, þjónustu stuðningsfjölskyldna og þeirrar stoðþjónustu sem við á
- Tengiliður við greiningarstofnanir og aðra þjónustuaðila fatlaðs fólks
- Virk þátttaka í mótun verkferla
- Virk þátttaka í endurskoðun reglna
Menntunar og hæfnikröfur:
- Starfsréttindi sem þroskaþjálfi eða önnur menntun sem nýtist í starfi
- Góð samskipta- og samstarfshæfni
- Frumkvæði og sjálfstæði í starfi
- Skipulögð vinnubrögð og faglegur metnaður
- Þekking á málaflokknum, lögum og reglugerðum æskileg
- Góð tölvukunnátta
- Góð íslenskukunnátta og færni til að tjá sig í ræðu og riti
Launakjör eru samkvæmt samningum Sambands íslenskra sveitarfélaga við Þroskaþjálfafélag Íslands eða viðkomandi félag.
Til greina kemur að ráða einstakling með aðra menntun sem nýtist í starfi.
Umsóknarfrestur er til og með 30. október 2023. Umsóknum skal skilað til Svövu Davíðsdóttur, framkvæmdastjóra félags- og skólaþjónustu í tölvupósti á svava@felagsmal.is með umsókn um starfið þarf að fylgja starfsferilskrá og kynningarbréf þar sem gerð er grein fyrir ástæðu umsóknar og hæfni viðkomandi í starfið. Afrit af prófskírteini og leyfisbréfi þurfa að fylgja umsókn. Nánari upplýsingar veitir Svava Davíðsdóttir í síma 487-8125 eða á netfangið svava@felagsmal.is