Arkitektastofurnar HJARK og sastudio hljóta fyrstu verðlaun í skipulagssamkeppni um nýtt hverfi í Vík í Mýrdal

Arkitektastofurnar HJARK og sastudio hljóta fyrstu verðlaun í skipulagssamkeppni um nýtt hverfi í Vík í Mýrdal. Samkeppnin var auglýst 22. apríl síðastliðinn og var unnin í samstarfi við Arkitektafélag Íslands. Alls bárust fjórar tillögur í samkeppnina.

Megináherslur dómnefndar

• Heildaryfirbragð skipulags og tengsl við náttúru og nærumhverfi
• Að tillagan bjóði upp á aðlaðandi og lifandi byggð með fjölbreyttum íbúðum og húsagerðum. Falleg og skjólgóð leik- og útisvæði fléttist inn í byggðina.
• Samspil íbúðabyggðar og verslunar- og þjónustulóða.
• Tillagan gefi kost á áfangaskiptingu við uppbyggingu hverfisins frá vestri til austurs.
• Rökrétt og góð tenging við eldri hluta bæjarins með sérstöðu og sérkenni hans að leiðarljósi. Hugað verði að skjóli fyrir ríkjandi austanátt og hljóðvist vegna umferðar

Dómnefnd í samkeppninni var eftirfarandi:

Tilnefndir af verkkaupa

• Björn Þór Ólafsson, oddviti
• Drífa Bjarnadóttir, varaoddviti
• George Frumuselu, skipulagsfulltrúi

Tilnefndir af Arkitektafélagi Íslands

• Olga Guðrún Sigfúsdóttir, arkitekt AÍ
• Gunnar Örn Sigurðsson, arkitekt AÍ

Verkefnastjóri samkeppninnar

• Einar Freyr Elínarson, sveitarstjóri Mýrdalshrepps

Trúnaðarmaður:
Gerður Jónsdóttir, frkv.stj. AÍ

Í dómnefndaráliti segir um verðlaunatillögu:

Vík-Vaxandi samfélag er látlaus tillaga, með aðlaðandi og falleg yfirbragð byggðar sem fellur vel að byggðarmynstri bæjarins. Grunnhugmynd tillögunnar byggir á að þjónusta og íbúabyggð fléttast saman með það að markmiði að skapa lifandi og fjölbreytt samfélag.

Í öðru sæti var tillaga VA arkitekta, auðkennd 58795 og í þriðja sæti var tillaga var Sei Studio, Liska og Myrra.

Við þökkum þátttakendum kærlega fyrir vandaða og góða keppni.

Dómnefndarálit

Frekari upplýsingar má nálgast á vefsíðu Arkitektafélags Íslands hér.