Auglýst eftir sumarstarfsfólki við íþróttamiðstöðina í Vík

Mýrdalshreppur auglýsir eftir sumarstarfsfólki við íþróttamiðstöðina í Vík.

Um er að ræða 100% starf þar sem unnið er á vöktum á tímabilinu frá maí til ágúst 2024. Opnunartími er breytilegur og má sjá nánari upplýsingar á vefsíðu sveitarfélagsins, en hann kann að taka breytingum.

Æskilegt er að viðkomandi geti hafið störf frá í byrjun maí/júní eða eftir samkomulagi. Næsti yfirmaður er æskulýðs- og tómstundafulltrúi Mýrdalshrepps.

Helstu verkefni

• Afgreiðsla og sundlaugarvarsla
• Þjónusta við viðskiptavini
• Almenn þrif og annað sem til fellur
• Reglubundið eftirlit með öryggiskerfum og sundlaugarbúnaði
• Eftirlit og eftirfylgni með ásýnd og útliti vinnustaðar

Hæfnikröfur

• Umsækjandi þarf að vera orðinn 18 ára
• Framúrskarandi þjónustulund.
• Framúrskarandi samskiptafærni og sveigjanleiki.
• Snyrtimennska
• Góð íslensku- og enskukunnátta.
• Sjálfstæð vinnubrögð.
• Hreint sakavottorð.
• Viðkomandi þarf að standast námskeið í björgun og skyndihjálp og sundpróf fyrir laugaverði.

Allir umsækjendur þurfa að gefa leyfir fyrir að upplýsingar um þá sé aflað úr sakaskrá, sbr. 3.-4.mgr. 10.gr.laga nr.70/2007 og uppfylla þau skilyrði sem koma fram í 2.mgr.10.gr sömu laga.

Launakjör eru skv. kjarasamningum Sambands íslenskra sveitarfélaga og Verkalýðsfélags Suðurlands.

Umsóknarfrestur er til og með 3.apríl 2024. Umsóknum skal skilað á netfangið myrdalshreppur@vik.is eða á skrifstofu sveitarfélagsins að Austurvegi 17 í Vík. Með umsókn skal fylgja ferilskrá.

Nánari upplýsingar veitir Kristín Ómarsdóttir Æskulýðs- og tómstundafulltrúi í síma 487-1210 eða í tölvupósti á tomstund@vik.is

Öllum umsóknum verður svarað þegar ákvörðun um ráðningu hefur verið tekin.

Við hvetjum áhugasama, óháð kyni, til að sækja um starfið.